Les mots surlignés font l'objet d'une note
1Monseigneur, incontinant ayant receu voz lettres et
2commission pour l’eslargissement de Jehan Brecon, prisonnier
3au Crest et desmantellement du chasteau de Pontaix,
4me transportey audit Crest et mis hors les arrestz ledit
5Brecon, moyennant caution et comme estoit porté par votre ordonnance,
6dudit Crest, alley à Pontaix où j’ay faict travailler
7les villageoys suivant votre dite commission et prins audit
8Crest six massons que la ville me bailloit, lesquelz j’ay
9faict payer aux communes portées par ladite commission.
10Le chasteau a esté esmantelé du costé du levant
11et bize les murailles abatues ; de focez a comblé environ
12quarante pas de longueur, sappées, minées et mies le feu
13et renversées qu’il en tumbat quelques cartiers, muralle
14et alloires jusques à la rivière de Drôme ; et heussions
15faict abatre une tour appellée donjon estant au millieu,
16ne fust que la ville en fust esté offensée et
17fust tumbée sus. Le corps du chasetau ha
18esté ruyné et ont esté vendues les tuylles soixante livres
19et dix escus le bous. Ladite tour est carrée sans aulcuns
20flans, disant les ouvriers qu’elle ha d’espesseur sept
21piedz de trois costés et du costé où la muraille a esté
22mynée dix piedz et ha de large au dedans cinq
23piedz. Elle samble qu’il est si bien esmantellé et la
24tour de si peu de vallue pour s’en pouvoir servir
25qu’aulcung ne si pourroit percher. Il est vray que
26le lieu est fort de soy. Passant à costé, je treuvey
27qu’on avoit faict deux trenchées à mode de perchier
28au devant des deux brêches qu’avoint esté faictes à la
29porte de l’advenue du Crest. Leur fictz commandement les
30esgaller et remectre en l’estat le lieu qu’il estoit lhors
31[v] que lesdites brêches furent faictes. Prianr Dieu
32Monseigneur vous avoir en santé, très heureuse
33et longue vie. De Valence, ce trezme decembre 1572.
34Votre très humble et
35très obéissant serviteur
36S. de Chastellare